قصت اتنين اخوات مجنين

بسم الله الرحمن الرحيم
ادخل فى الموضوع على طول
تعريف الشخصيات
الاول عبدالرحمن عمره 14 سنه رايح اولى ثانوى لا يفقه شئ فى حياته
التانى عمرو عمره 8 سنوات رايح سنه تالته ابتدائى يدعى ديما انه فاهم كل حاجه
هويات عبد الرحمن (ضرب عمرو)هويات عمرو (الرغى)عبد الرحمن ملهوش فى اى حاجه بتحصل فى منزله عنده كل الاخبار خبر خير يصحى من النوم يطلع بره يرجع ياكل ينام وبعدين يمارس هوايته
عمرو بقى من اول مبيصحى وهو بيتكلم مش بيحب يفوت فرصه ميتكلمش فيها بيدخل نفسه فى كل حاجه ممكن لو بيحكى حكايه لمامته مامته تسيبه وهو بيتكلم وتمشى وهو يكمل الحكايه برغم انه قاعد لوحده فى الغرفه المهم انه يكمل حكايته حتى مش مهم حد يسمعه من كتر سماعه للكرتون بيتكلم فى البيت باللغه العربيه الفصحى وبيسال اسال عجيبه مثللو الحراره وصلت تحت الصفر ندخل العصر الجليدى؟؟؟؟؟؟؟؟؟؟؟؟)ونبى لو حد عرف اجابت السؤال اتصلو على الارقام التاليه(000056666666)او(0000023456666)وهتكسب صفر مليون جنيه
عبد الرحمن وعمرو ممكن يضربو بعض لمدة خمس ساعات متواصه ولا يهمه بس هما بيحسو براحه نفسيه وهما بيضربو بعض
ادعولهم ربا يشفيهم
ارجو انى مكنش طولت عليكم


** ** **ملحوظه:الاتنين دول اخواتى** ** **

ربنا يخليهم ليكى بجد أحلى حاجة فى الدنيا الاطفال وسؤال عمرو حلو جدا بس ممكن يكون فعلا بيفكر كده ومحتاج ان حد يهتم بيه من الناحية دى شوفوا ايه اكتر حاجه بيحبها او بيهتم بيها وحاولو تركزا عليها
وشكرا على الموضوع الجميل ده