newhope

منتدى أمل جديد يعيد الأمل ويبثه إلى كل من فقده.أمل جديد في الغد.أمل جديد لكل من عنده هدف في الحياة يسعى وراء تحقيقه.الحياة أفضل مع كل أمل جديد


    سخافات معاكسة الشباب للبنات

    شاطر

    تصويت

    ايه رأيك في المعاكسات؟؟

    مجموع عدد الأصوات: x
    avatar
    *HMR*LOVER*
    Admin

    عدد المساهمات : 446
    نقاط : 17168
    السٌّمعَة : 0
    تاريخ التسجيل : 02/10/2008

    بطاقة الشخصية
    نبذة :

    سخافات معاكسة الشباب للبنات

    مُساهمة من طرف *HMR*LOVER* في الجمعة مارس 19, 2010 6:35 pm










    سخافات معاكسة الشباب للبنات

    في الحي الشعبي ..بسبس
    في الحي الراقي . . توت..تيت..تات


    طبعا مافيش بنت فيكي يا مصر إلا وتعاني من المعاكسات المستفزة والسخيفة اللي بجد
    تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة
    وهي بكل أنواعها وصورها اعتداء على استقلالية وخصوصية الآخر . . طبعا في أولاد
    دلوقتي هيقولوا ما هو فيه برضه بنات بتعاكس الشباب . . حنقول . . حتى لو فيه ماهي
    برضه من ضمن قلة الأدب .
    المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب
    الهاي تك ، اللي بتحاصرنا في كل ناحية يعني ممكن تلاقي رسائل على الموبايل أو رنات
    أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد
    تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة
    غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن
    عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة
    المعاكسة .
    المعاكسات كمان بتفرق حسب طبيعة المكان بحكم البيئة والتركيبة الاجتماعية يعني
    ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو "
    بصراحة أحلى واحدة اللي لابسه جزمة حمرا" وهكذا .
    وممكن نلاقي في الأماكن الهاي شوية من ناحية الفلوس يعني مش من ناحية السلوك ..
    البنت بتتعاكس بكلام مباشر أو يتريقوا على ملبسها وممكن كمان ينزل الشاب من عربيته
    ويمشي بجانب البنت ويفتح أي حوار وكأنه فعلا عارف البنت حقارة طبعا .
    أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان
    معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن
    تلاقي رسالة إعجاب على الموبايل أو رسالة تهديد وطبعا مرسلة من على النت علشان ما
    نعرفش مين اللي باعت . . أو تصور البنات وهما قاعدين في كافيه من الموبايلات وطبعا
    يتباهى البيه إنهن صحباته والأنتيم كمان .


    * رأي البنات
    تقول شريهان محمود بكالوريوس رياض أطفال أكره المعاكسات موت وبكره أكتر الرأي
    اللي بيقول البنات تحب تتعاكس يعني هي البنت هتعرف قيمة نفسها من كلام واحد
    فاضي واقف على ناصية أو بيلف شوية بعربيته ، كلام صعب طبعا وبعدين اشمعنى
    ارتبطت ظاهرة المعاكسات بشباب مصر . . يمكن لأنه محبط أو معندوش وقت يشغله
    وكمان يمكن لأنه مش عارف يرتبط ويستقر .
    أما سامية فؤاد محاسبة فتقول : والله معظم مرتبي بصرفه في تاكسيات المخصوص
    علشان أرحم نفسي من شباب النواصي وبعدين أنا مش عارفة البوليس فين منهم وفين
    سيارات الدورية الراكبة ماهو كل ده برضه ممكن يضمن سلامة البنات في الشارع .
    وتقول شذا متولي : بصراحة أنا ما بحبش المعاكسة لكني فاكرة ان شاب عاكسني
    فضحكت وكان طبعا غصب عني لاقيته خارج من زجاج عربيته وبيقولي . . أكيد ماما كانت
    نحلة علشان تخلف العسل ده . . ومرة تانية كنت لابسة طقم احمر ولاقيت مجموعة شباب
    زفوني أهلي . . أهلي .
    وتقول إيناس بدري معدة إذاعية
    الفراغ يعمل أكتر من كده وبعدين المعاكسات دي نوع من أنواع البجاحة والتعدي على
    حرية الآخرين والتطاول عليهم فعلا عايزين قانون يغلظ من عقوبة المعاكسات التي
    انتشرت مفزع داخل شوارعنا .
    أما كامليا رائد 25 سنة فتقول : كنت مرة مع ماما خارجين وبعدين لفت نظر ماما واحد قد
    والدي في السن بيراقبنا في الرايحة والجاية وبدأ في معاكستي واستفزازي فما كان من
    ماما إلا أنها خافت جدا وأخدت رقم العربية واتجهت إلى أقرب قسم شرطة وحررت له
    محضرا وهنا تم استدعاؤه لكنه طلع راجل مسئول وواصل قوي وطبعا اتقلب المحضر ضدنا
    وطلعنا احنا اللي بنعاكسه ودفعنا غرامة مالية بعد أن قرر التنازل ومن ساعتها بتعاكس ولا
    بقول كلمة واحدة ياللا خلي الشباب يعيش علشان خاطر مراهقة المسئولين اللي زيه .


    * رأي الشباب
    طبعا الشباب لازم يبرر المعاكسة ويرمي بالغلط على البنات وملبسهم يعني معنى كده إن
    المحجبات معصومات من المعاكسة نشوف .
    أحمد سالم - مرشد سياحي - يقول ك
    طبعا ملبس البنت يستفزنا ( واخدين بالكم المعاكسة اضطرار ) قلت الملبس ده حرية
    شخصية قال : لا البنات اللي بتلبس ملبس خارج عايزة تتعاكس فخلاص خليها تتعاكس .
    فهمي فؤاد .. دكتور صيدلي - يقول : أنا شخصيا ضد المعاكسات . . يعني ايه أعاكس بنت
    بسبب مظهرها . .أعتقد إن إشارة تعد على حرية الآخرين أنا بقول ان الشاب اللي اخد
    على المعاكسة بيعاكس حتى المحجبات أنا عندي صديق غاوي يعاكس المنقبات . .ده
    سلوك فردي لا يحركه تصرف الغير . . دي مبررات خايبة للشباب المستهتر .
    محمود رحيم .. معهد تكنولوجيا يقول : احناما بنفرقش في المعاكسه بين محجبة وغير
    محجبة المعاكسة روشنةبنعملها أثناء تجمعاتنا الشبابية . .يعني بنساعد بيها بعض . . لكن
    لما اكون بمفردي مش ممكن أعاكس !!

    بقلم عبير العربي
    نقلا عن جريدة ليلة العمر


    _________________
    عيش حياتك بما فيهـــــــــــا ولاتـخف من ساكنيهـــــــا

    ولا تستسلم وتيأس وتنهزم وكـن انـت البـطل فيهـــــــا

    ان كان الناس ذئبـــــــــــــــــا فـكـن انـت الاسـد فيهــــــا

    وان كـــــــانت حربـــــــــــــــــا عـليـك ان تكـون حاميهــــا

    وان كـــــــانت سلمــــــــــــــا فـكـن انـت بـاديهــــــــــــــا

    فلو كــانت الكرامة او الـموت فمت موفوع الراس فيهــــا
    avatar
    jana

    عدد المساهمات : 115
    نقاط : 15179
    السٌّمعَة : 10
    تاريخ التسجيل : 17/08/2009
    العمر : 27

    بطاقة الشخصية
    نبذة :

    رد: سخافات معاكسة الشباب للبنات

    مُساهمة من طرف jana في الإثنين مارس 22, 2010 10:21 pm

    شكرا على الموضوع الجميل ده
    وفعلا دى مشكله كبيره مش هتلقيها غير فى مصر لكن بالنسبه اانى البنت بتعاكس دى جديده عليا اكيد مفيش بنت عندها الجراءه انها تعاكس ولد صعبه شويه
    اما الولد فهو بيعاكس الحلو او اللى اقل منها فى الجمال سوء كانت محجبه ولا لأ
    واكيد مفيش بنت بتحب انها تتعاكس يعنى ايه مثلا ولد يقولها انتى حلو اولا الجمال ديما بيكون جمال الروح سوء كان المظهر الخارجى حلو او لا وفى الاخر كله من خلق الله
    وشكر مره تانيه على الموضوع الجميل ده
    avatar
    jana

    عدد المساهمات : 115
    نقاط : 15179
    السٌّمعَة : 10
    تاريخ التسجيل : 17/08/2009
    العمر : 27

    بطاقة الشخصية
    نبذة :

    توقيع

    مُساهمة من طرف jana في الإثنين مارس 22, 2010 10:24 pm

    avatar
    *HMR*LOVER*
    Admin

    عدد المساهمات : 446
    نقاط : 17168
    السٌّمعَة : 0
    تاريخ التسجيل : 02/10/2008

    بطاقة الشخصية
    نبذة :

    رد: سخافات معاكسة الشباب للبنات

    مُساهمة من طرف *HMR*LOVER* في الإثنين مارس 22, 2010 11:02 pm

    أنا فعلا معاكي في كل اللي قولتيه جدا
    وأن الشباب بيعاكس الحلوة والوحشة ومابقتش كمان فكرة لبس
    ممكن تلاقي واحدة محتشمة جدا في لبسها وماتسلمش من المعاكسة
    بقيت فعلا المعاكسة من الشباب ضرب من ضروب العادة والتسلية وهذا هو الأمر الكارثي
    أما حكاية ان مفيش بنات بتعاكس فأنا أسف أختلف معاكي فيها
    لأنك قولتي انه مفيش بنت عندها الجرئة دي بمعنى ان عندها ((حياء))
    لكن للأسف دلوقتي بقى فيه بنات مش عندها هذه الجوهرة الثمينة التي تسمى الحياء
    بصراحة أنا أسف إني بقول الكلمة دي بس ده الواقع ودي الحقيقة واللي يعيش ياما يشوف
    وجزاكي الله كل خير على الرد والمناقشة


    _________________
    عيش حياتك بما فيهـــــــــــا ولاتـخف من ساكنيهـــــــا

    ولا تستسلم وتيأس وتنهزم وكـن انـت البـطل فيهـــــــا

    ان كان الناس ذئبـــــــــــــــــا فـكـن انـت الاسـد فيهــــــا

    وان كـــــــانت حربـــــــــــــــــا عـليـك ان تكـون حاميهــــا

    وان كـــــــانت سلمــــــــــــــا فـكـن انـت بـاديهــــــــــــــا

    فلو كــانت الكرامة او الـموت فمت موفوع الراس فيهــــا

      الوقت/التاريخ الآن هو الخميس أكتوبر 19, 2017 10:06 am