عشاق الأسحار

ممكن أسأل سؤال؟؟؟؟؟؟؟؟؟

لو والدك أو والدتك بينادوا عليك هترد عليهم ولا هتعمل نفسك مش واخد بالك؟؟؟؟؟
طبعا لانك بتحبهم وبار بيهم جدااااا أكيد هترد عليهم
مش كدة برده؟؟؟؟؟؟؟

طب تخيل معايا بقي ان ربنا سبحانه وتعالي يتجلي في الثلث الاخر من الليل الي السماء الدنيا كل ليلة ينادي
من ذا الذي يدعوني فاستجيب له؟ من ذا الذي يسألني فأعطيه؟
من ذا الذي يستغفرني فاغفر له؟


طبعا كلنا بنحب ربنا بس يا تري كام واحد مننا بيلبي النداء؟
طب يا تري مين فينا اللي مش محتاج ربنا او تقدر تعيش من غير نعم ربنا؟؟؟؟؟؟
سبحان الله شوف ربنا رحيم بينا أد ايه ؟؟؟؟؟؟؟.....فعلا ليس العجب من عبد يتملق سيده ولكن العجب كل العجب من سيد يتودد الي عبيده وهم يفرون منه!!!!!!!!!!!!!

لو انت او انتي بعيدة عن ربنا ونفسك تتوب لبي النداء وقول يارب ارزقني توبة نصوح

لو انت خايف علي التزامك ونفسك ربنا يثبتك لبي النداء وقول يارب ثبتني

لو الدنيا ضلمت ادامك وكل هموم الدنيا اتراكمت عليك وملقتيش حد يمسح دمعتك غير ايديك
لبي النداء وقول يارب فرج كربي .......ياااااااارب خفف عني
...................يا الله يا ذا الجلال والاكرام

صدقني هتحس بلذة عمرك ما حسيتها قبل كدة وهتلاقي نفسك بتقول ياريت الصبح ما يطلهعش

والفجر ما ياذنش علشان تفضل علي الحالة دي

دا أنت كمان هتلاقي نفسك اتشحنت بطاقة هايلة تعينك علي العبادة وأداء واجباتك ومسؤلياتك طوووووووول اليوم

يا تري نويت تقوم ولا لسه برده؟؟؟؟؟؟؟

ممكن لسه لكن بعد ما تسمع كلام ربنا عمرك ما هتتاخر

.يقول الله تعالي في الحديث القدسي

ان لي عبادا من عبادي أحبهم ويحبوني ..ويشتاقون الي وأشتاق اليهم...
ويذكروني وأذكرهم...وينظرون الي وأنظر اليهم ...فان حذوت طريقهم أحبتك ...
وان عدلت عنهم مقتك
قال يارب ...وما علامتهم؟؟يراعون الظلال بالنهار كما يرعي الراعي غنمه..ويحنون الي غروب الشمس كما تحن الطير الي أوكارها ..فاذا جن الليل ..واختلط الظلام..وخلا كل حبيب بحبيبه...نصبوا الي أقدامهم....وافترشوا الي وجوههم..وناجوني بكلامي..وتملقوا الي بانعامي....فبين صارخ وباك..... وبين متأوه وشاك.........بعيني ما يتحملون من أجلي...وبسمعي ما يشتكون من حبي........
أول ما أعطيهم أقذف من نوري في قلوبهم ...فيخبرون عني كما ؟أخبر عنهم

والثانية لو كانت السموات السبع والارضون السبع في موازينهم لا ستقللتها عليهم

والثالثة أقبل بوجهي عليهم ..أفتري من أقبلت بوجهي عليه...أيعلم أحد ما أريد ان اعطيه؟؟؟؟؟؟؟



ها لسة مكسل بردة........طب بتبخل علي نفسك ليه؟؟؟؟؟؟؟ فيه ثواب اكبر من كده؟؟؟ فيه سعاده أكتر من كدة؟؟؟؟؟؟؟؟؟؟

يعني يحبك الله عز وجل ويذكرك في الملا الأعلي ويقذف من نوره في قلبك ويعطيك ملئ السموات والارض ثوابا............

ايه لسه قلوبنا قاسية برده؟؟ لسه بتأخر عن تلبية النداء واحنا عارفين مدي حاجتنا الي الله عز وجل؟؟؟؟؟؟؟؟؟

اعملها مرة واحدة بس واصحي وادعي ربنا يثبتك عليها وادعي ربنا يفرج كربك ويعينك علي هم الدنيا والاخرة ........وان شاء الله ربنا يستجيب ...

كما قال الله عز وجل
( واذا سألك عبادي فاني قريب أجيب دعوة الداع اذا دعان فليستجيبوا لي وليؤمنوا بي لعلهم يرشدون)

وكمان قال حبيبك صلي الله عليه وسلم

ان من الليل ساعة لا يوافقها عبد مسلم يسأل الله تعالي خيرا الا أعطاه اياه)

أخيتي: حبيبك محمد صلي الله عليه وسلم كان يقوم الليل حتي تتورم قدماه فقيل له: أتكلف هذا وقد غفر لك ما تقدم من ذنبك وما تأخر فقال : أفلا أكون عبدا شكورا؟؟؟؟؟؟؟؟؟

متي تلبي نداء ربك وتسير علي درب حبيبك وتكون من عشاق الأسحار؟؟؟؟؟؟؟؟؟؟؟