newhope

منتدى أمل جديد يعيد الأمل ويبثه إلى كل من فقده.أمل جديد في الغد.أمل جديد لكل من عنده هدف في الحياة يسعى وراء تحقيقه.الحياة أفضل مع كل أمل جديد


    زهقان...... تعبان..... مخنوق.

    شاطر
    avatar
    ZAGA10

    عدد المساهمات : 186
    نقاط : 18350
    السٌّمعَة : 0
    تاريخ التسجيل : 03/10/2008
    العمر : 25

    بطاقة الشخصية
    نبذة :

    زهقان...... تعبان..... مخنوق.

    مُساهمة من طرف ZAGA10 في الأربعاء أبريل 01, 2009 12:06 am

    زهقــان ..تعبــان ..مخنـــوق







    الدنيا ضاقت بيك ..!! هموم ملهاش أول من آخر!!
    مواد كامله متفتحتش ومتعرفش فيها حاجه!!
    الامتحانات قربت ومش عارف هتدخل امتحان ماده واحده ازاى؟!!
    بدأ العد التنازلى واليوم اللى بيفوت بيقول لك انه مش هيتعوض!!
    وقتك مفهوش بكره وبتعد ع الفصل أسبوع على ما تخلصه!!
    الدنيا اسودت قدامك والناس بتقللك مفيش أمل !!
    حاسس انك الوحيد فى الكليه اللى متأخر فى المذاكرة وخلاص ضاعت الفرصه من ايديك ؟!!
    إذا كانت دى حالتك
    فأنا بقللك لأ
    لأ لسه فيه أمل ..
    لسه طريق ربنا مفتوح
    غمض عينك عن كل ده
    وارفع ايدك للسما وقول يا رب
    يا رب ضاقت بى الدنيا بما رحبت
    ولا ملجأ لى إلا إليك يا رب من لى سواك
    من لى اذا انهالت كل همومى على
    وانسد كل طريق لدى
    من لى إذا أظلمت الدنيا فى وجهى
    من لى يا مفرج الكروب
    أشكو له همى
    يا رب أعلم أنى لا أستحق رحمتك
    ولكن ليس لى غيرك
    وليس أمامى غير بابك
    اللهم ان كان كربى من ذنوبى
    فلا إله إلا أنت سبحانك إنى كنت من الظالمين

    أنا بقللكم وبقول لنفسى محصلناش كده إلا لما بعدنا ..بعدنا أوى عن ربنا محصلناش كده إلا لما قست قلوبنا وبقت زى الحجاره
    لا بقران تتأثر ولا بذكر تتأثر ولا بموعظه تتعظ
    بعدنا أوى فأحب الله أن يسمع أصوات مناجاتنا إليه
    وجاء الابتلاء فرصه علشان نذل نفسنا شويه قدام باب ربنا
    علشان نكسر الكبر اللى جوانا
    علشان ندوب قسوة قلوبنا
    علشان نرتمى لاحضان الأرض
    ونمرغ جباهنا فيها لنجبرها على الاعتراف
    نعم الاعترافــــ
    نعم يا نفس لا ملجأ إليك إلا إلى الله
    ولا مفرج كربك إلا الله
    ولا معين على همك إلا الله
    نعم يا نفس لا تستطيعى السير فى هذه الحياه وحدك
    نعم يا نفس لن يأتيك خير إلا بالذل والانكسار لله
    نعم يا نفس ما عند الله لا ينال إلا بطاعة الله
    وغصب عنك هتوجهى وجهك لطريق ربنا
    وغصب عنك همنعك من كل اللى يريحك ويغضب ربنا
    وهقولها بصوت عالى
    لا لهواى
    لا لكل ما تسول لى نفسى

    وهرفع شعار سيدنا موسى وعجلت إليك ربى لترضى

    ____________________________________________________


    _________________
    الهى أنت تعلم كيف حالى......... فهل ياسيدى فرج قريب.

    فيا ديان يوم الدين ............... فرج هموم فى الفؤاد لها دبيب.

    وصل حبلى بحبل رضاك وانظر الىّ........ وتب علىّ عسى أتوب.

      الوقت/التاريخ الآن هو الثلاثاء سبتمبر 25, 2018 3:07 pm