newhope

منتدى أمل جديد يعيد الأمل ويبثه إلى كل من فقده.أمل جديد في الغد.أمل جديد لكل من عنده هدف في الحياة يسعى وراء تحقيقه.الحياة أفضل مع كل أمل جديد


    ازاى تكون رذل فى الكلية

    شاطر
    avatar
    ZAGA10

    عدد المساهمات : 186
    نقاط : 16915
    السٌّمعَة : 0
    تاريخ التسجيل : 03/10/2008
    العمر : 25

    بطاقة الشخصية
    نبذة :

    ازاى تكون رذل فى الكلية

    مُساهمة من طرف ZAGA10 في الخميس مارس 19, 2009 10:28 pm

    ازاى تبقى رذل فى الكلية
    [size=18]
    فى الكلية هتقابل صاحبك وهتقعدوا على أى كافيه بقى

    هيجى الجارصون سيب صحبك يطلب الأول وبعدين استلم الجارصون بقى واديله نصيبه
    قوله عندك برجر ؟ هيقولك اه
    قوله حلو ؟ هيقولك تمام
    قوله اوك يبقى اكتب واحد شاورمة
    طب عندك كبده ؟ هيقولك ايوة قوله معمولة ازاى ؟
    سيبه يرغى شوية وقوله انا اصلا مبحبش الكبدة فكك
    حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل
    أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها
    المهم حاول تجيبله جفاف عقبال ماتطلب اللى انت عايزه
    وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى
    لو معاك كاتشب مفيش مانع تكتب أول حرف من اسمك على التربيزة المهم تخليله التربيزة شبه التورتة
    ومتنساش تعيب على الأكل وأنت بتحاسب وكمان تقول الحساب غالى
    فى المدرج
    أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن

    يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك
    أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم
    لو مسكتش أنا هقول للدكتور والحركة دى رذلة ومستفزة جدا بس اشطه يعنى
    وياسلام لو واحد وواحدة يبقى أنت كده جبت من الآخر
    لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض
    استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت
    طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا
    عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد
    هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم
    لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش
    ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص
    لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر
    خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن
    وبكده يبقى أنت مارست هوايتك وقضيت يوم رذل



    اي خدمه لكل الناس اللي بتحب الرذاله
    [/size]


    _________________
    الهى أنت تعلم كيف حالى......... فهل ياسيدى فرج قريب.

    فيا ديان يوم الدين ............... فرج هموم فى الفؤاد لها دبيب.

    وصل حبلى بحبل رضاك وانظر الىّ........ وتب علىّ عسى أتوب.
    avatar
    *HMR*LOVER*
    Admin

    عدد المساهمات : 446
    نقاط : 17438
    السٌّمعَة : 0
    تاريخ التسجيل : 02/10/2008

    بطاقة الشخصية
    نبذة :

    رد: ازاى تكون رذل فى الكلية

    مُساهمة من طرف *HMR*LOVER* في الجمعة مارس 20, 2009 4:09 pm

    أنا بحاول بجد بس في الأخر بتخنق من نفسي وبزهق من نفسي وببقا عاوز أضرب نفسي

    بس أعمل إيه ما هو ما ينفعش غير كده هو ده النظام اللي بيمشي معاهم بجد أنا جربت كل الحاجات دي بس ما فيش فايدة

    مش عارف أبقا رزل للأخر بس أصحابي ربنا يباركلي فيهم هما اللي بيقومي بدوري في الكلية على أكمل وجه بلاش أقول

    مين علشان ------ ميزعلش

    وشكرا على النصايح الغالية دي ومستنين المزيد من تلك النصائح


    _________________
    عيش حياتك بما فيهـــــــــــا ولاتـخف من ساكنيهـــــــا

    ولا تستسلم وتيأس وتنهزم وكـن انـت البـطل فيهـــــــا

    ان كان الناس ذئبـــــــــــــــــا فـكـن انـت الاسـد فيهــــــا

    وان كـــــــانت حربـــــــــــــــــا عـليـك ان تكـون حاميهــــا

    وان كـــــــانت سلمــــــــــــــا فـكـن انـت بـاديهــــــــــــــا

    فلو كــانت الكرامة او الـموت فمت موفوع الراس فيهــــا

    الدالي

    عدد المساهمات : 7
    نقاط : 16784
    السٌّمعَة : 0
    تاريخ التسجيل : 04/10/2008
    العمر : 27

    رد: ازاى تكون رذل فى الكلية

    مُساهمة من طرف الدالي في السبت يونيو 27, 2009 7:43 pm

    انا عندي حاجه ارذل من كده
    انك في المدرج وفي واحد ادامك ومنتبه اوي وتنادي عليه ولما يبصلك تقوله بص ادامك

      الوقت/التاريخ الآن هو الثلاثاء ديسمبر 12, 2017 1:24 pm